అబుదాబి: వాట్సాప్ ద్వారా పొరపాటుగా ఓ అసభ్య సందేశాన్ని మీ మిత్రులకు పంపించారా? ఆ సందేశం వల్ల కొంపలు మునగనున్నాయా ?.. ఇకపై అలాంటి భయం అక్కర్లేదు. పాపులర్ మెసేజింగ్ యాప్ వాట్సాప్ సరికొత్త ఫీచర్‌ను అందుబాటులోకి తెచ్చింది. పంపించిన సందేశం అసభ్యకరమైనదని గుర్తిస్తే వెంటనే డిలీట్ చేసుకునే అవకాశం యూఏఈ వాట్సాప్ వినియోగదారులకు దక్కింది. సందేశాన్ని పంపించిన 7 నిమిషాలలో సందేశాన్ని ఇకపై తొలగించవచ్చు. ఒకవేళ మెసేజ్‌ను పంపించి 7 నిమిషాలు దాటితే చేసేదేమీ ఉండదు. ఈ సరికొత్త ఫీచర్ యూఏఈ వినియోగదారులకు అందుబాటులోకి వచ్చింది. యాప్‌ను అప్‌డేట్ చేస్తే ఈ సరికొత్త ఫీచర్‌ను ఉపయోగించుకోవచ్చు. పంపించిన మెసేజ్‌పై టాప్ అండ్ హోల్డ్ చెయ్యాలి. తర్వాత డిలీట్ ఫర్ ఎవ్రీవన్ అనే ఆప్షన్‌ టాప్ చేస్తే పని పూర్తైనట్లే. కాబట్టి యూఏఈలోని వాట్సాప్ యూజర్లు ఈ ఫీచర్‌ను నిర్భయంగా ఉపయోగించుకోవచ్చు.