'గరుడ వేగ' సక్సెస్‌తో హీరో రాజశేఖర్ పేరు మారు మ్రోగి పోతోంది.  ఈ చిత్రం రాజశేఖర్‌కి మంచి బూస్ట్‌నిచ్చింది. ఇండస్ట్రీలో నేనూ ఉన్నానంటూ మరోసారి రుజువు చేశారు. విమర్శకులనుంచి కూడా ప్రశంసలందుకుంటున్నారు. ఈ సినిమా సక్సెస్‌తో కెరీర్ గాడిలో పడిందనే చెప్పుకోవచ్చు. రోజుకో సక్సెస్ మీట్‌తో రాజశేఖర్‌లో ఉత్సాహం రెట్టింపవుతోంది. తాజాగా స్టార్ హోటల్‌లో జరిగిన క్రిస్మస్ కేక్ మిక్సింగ్ ఈవెంట్‌లో చిత్ర టీమ్ పాల్గొని సందడి చేసింది. ఈ ఈవెంట్‌లో హీరో కమ్ కమెడియన్ అయిన సునీల్ కూడా పాల్గొన్నారు. ఈ సందర్భంగా సునీల్ మాట్లాడుతూ గరుడ వేగ విజయవంతమైనందుకు రాజశేఖర్‌కి అభినందనలు తెలియజేశాడు. రాజశేఖర్ అంటే తనకెంతో అభిమానమని, మంచి మనసున్న మనిషి అని చెబుతూ రియల్ లైఫ్‌లో నాకెంతో సహాయం చేశారు. ఒకసారి నాకూతురికి బాలేనప్పుడు వైద్యం చేసి ప్రాణాలు కాపాడారు. అందుకే రాజశేఖర్ అంటే నాకు చాలా ఇష్టం అంటూ చెప్పుకొచ్చాడు.