బీరుట్‌: తమ దేశ ప్రధాని సాద్‌ అల్‌ హరిరీని సౌదీ అరేబియా నిర్బంధించిందని లెబనాన్‌ అధ్యక్షుడు మైఖెల్‌ అవౌన్‌ ఆరోపించారు. బుధవారం ఆయన ఇక్కడ విలేకరులతో మాట్లాడుతూ ఆ దేశానికి వెళ్లిన ప్రధాని 12 రోజులయినా తిరిగి రాలేదని చెప్పారు. ఇది తమ దేశాన్ని అక్రమించడం కిందికే వస్తుందని అన్నారు. సౌదీ వెళ్లిన హరిరీ తాను పదవికి రాజీనామా చేస్తున్నట్టు ఈ నెల నాలుగో తేదీన అక్కడే ప్రకటించారు. హరిరీ సౌదీ అరేబియా పౌరుడు కావడంతో పాటు, అక్కడే పెరిగారు. ఇటీవల సౌదీ ప్రభుత్వం అవినీతి ఆరోపణలపై పలువురు రాజకుమారులను అరెస్టు చేసిన నేపథ్యంలో ఆయనను కూడా అదుపులోకి తీసుకొని ఉంటారన్న వదంతులు వ్యాపించాయి. దీనిని సౌదీ ప్రభుత్వం తిరస్కరించింది.