ఎగసిపడే అలల మధ్య సముద్రంపై అందాల్ని చూడాలంటే ఓడలో ప్రయాణించాలి. అయితే ఫ్రాన్స్ సర్కారు ఏకంగా రూ.1135 కోట్లతో సముద్రంలో తేలే నగరాన్ని నిర్మించేందుకు పూనుకుంటోంది. ఇప్పటికే నగర నిర్మాణం పనులను ప్రారంభించేసింది. 2020 నాటికి ఈ నగర నిర్మాణం పూర్తి చేయాలని ఫ్రాన్స్ సర్కార్ భావిస్తోంది. ఇందులో 300 మందికి నివాసాలు ఏర్పాటు చేసే యోచనలో ఉంది ఫ్రాన్స్ సర్కార్. దాదాపు వంద ఎకరాల్లో ప్రారంభం కానున్న ఈ నిర్మాణం ఖర్చు రూ.60 మిలియన్లు ఉంటుందని అంచనా. ఈ నగరంలో వ్యవసాయం, ఆక్వాకల్చర్, హెల్త్ కేర్, మెడికల్ రీసెర్చ్ సెంటర్, విద్యుత్ తయారీ కేంద్రాలని ఏర్పాటు చేయనున్నారు. ఈ ప్రాజెక్టు పూర్తయితే సముద్రం మీద తేలియాడే నగరాన్ని రూపకల్పన చేసిన దేశంగా ఫ్రాన్స్ నిలబడనుంది.