కావలసిన పదార్థాలు: కాకరకాయ (చిన్నది) - 1, గుడ్లు - 5, ఉల్లి తరుగు - 2 టీ స్పూన్లు, పండు మిర్చి తరుగు - 1 టీ స్పూను, (పల్చటి) సోయాసాస్‌ - 1 టీ స్పూను, ఉప్పు, మిరియాలపొడి - రుచికి తగినంత, వేరుశనగ నూనె - 2 టేబుల్‌ స్పూన్లు.
తయారుచేసే విధానం: కాకరకాయని సన్నగా తరిగి, గింజలు తీసి ఉప్పు నీటిలో 10 నిమిషాలు ఉంచి, నీటిని వార్చేసి ఆరబెట్టాలి. గుడ్ల సొనలో సోయాసాస్‌, ఉప్పు, మిరియాలపొడి వేసి బాగా గిలకొట్టి పక్కనుంచాలి. కడాయిలో కాకర, ఉల్లి, పండుమిర్చి తరుగులు ఒకదాని తర్వాత ఒకటి వేగించి గుడ్ల మిశ్రమం కలపాలి. ఎక్కువసేపు వేగించకుండా దించేసి వేడివేడిగా అన్నంతో తింటే చాలా రుచిగా ఉంటుంది.