ఏపీ ప్రభుత్వం ప్రకటించిన నంది అవార్డులపై సినీహీరో బాలకృష్ణ స్పందించారు. లెజెండ్‌ చిత్రానికి తొమ్మిది అవార్డులు రావడం సంతోషంగా ఉందన్న బాలయ్య.. అందరి కృషి వల్లే సినిమా విజయవంతమైందన్నారు. అవార్డుల పంట కురిపించినందుకు నంది అవార్డుల కమిటీ జ్యూరీకి కృతజ్ఞతలు తెలిపారు. నంది అవార్డుల విషయంలో వస్తున్న విమర్శలపైనా బాలకృష్ణ స్పందించారు. లెజెండ్‌ అనేది మామూలు టైటిల్‌ కాదని.. ఈ టైటిల్‌ పెట్టినప్పుడే వివాదాలు వచ్చాయని గుర్తు చేశారు. తమ సినిమా మాటలతో కాకుండా.. చేతలతో నిరూపించిందని చెప్పుకొచ్చారు.