షార్జా:నేపాల్‌కి చెందిన 23 ఏళ్ళ వ్యక్తి షార్జాలోని ఇండస్ట్రియలఠ్‌ ఏరియా నెంబర్‌ 6లోగల ఓ వేర్‌హౌస్‌లో ఉరి వేసుకుని చనిపోయిన ఘటనపై పోలీసులు విచారణ చేపట్టారు. ఈ ఘటనకు సంబంధించి సోమవారం ఉదయం పోలీసులకు సమాచారం అందింది. సమాచారం అందుకున్న వెంటనే పోలీసులు సంఘటనా స్థలానికి చేరుకున్నారు. ఫోరెన్సిక్‌ డిపార్ట్‌మెంట్‌, క్రైమ్‌ సీన్‌, సీఐడీ, అంబులెన్స్‌ అక్కడికి చేరుకోవడం జరిగింది. సంఘటనకు సంబంధించి పూర్తి ఫొటోల్ని, ఎవిడెన్స్‌లనీ, ఫింగర్‌ప్రింట్స్‌నీ పోలీసులు సేకరించారు. పబ్లిక్‌ ప్రాసిక్యూటర్‌ ఆదేశాలననుసరించి మృతదేహాన్ని అటాప్సీ నిమిత్తం ఫోరెన్సిక్‌ ల్యాబ్‌కి తరలించారు.