దుబాయ్‌: మూడు రోజులపాటు దుబాయ్‌ వ్యాప్తంగా జరిగే సూపర్‌ సేల్‌ సందర్భంగా 1500 స్టోర్స్‌ షాపింగ్‌ ప్రియుల్ని బంపర్‌ ఆఫర్స్‌తో ఆకట్టుకోవడానికి సిద్ధమయ్యాయి. దుబాయ్‌ టూరిజం - దుబాయ్‌ ఫెస్టివల్స్‌ అండ్‌ రిటెయిల్‌ ఎస్టాబ్లిష్‌మెంట్‌ (డిఎఫ్‌ఆర్‌ఇ), ఈ మేరకు పూర్తి బ్రాండ్స్‌ లిస్ట్‌ని ప్రకటించింది. సిటీ వ్యాప్తంగా అందుబాటులో ఉండే ఆఫర్స్‌ని ఇందులో ప్రస్తావించారు. 30 నుంచి 90 శాతం వరకు డిస్కౌంట్స్‌ ఈ 'సేల్‌'లో లభ్యమవుతాయి. నవంబర్‌ 23 నుంచి నవంబర్‌ 25 వరకు ఈ 'సేల్‌' జరగనుంది. 350 బ్రాండ్లు, 1500 స్టోర్లు షాపింగ్‌ ప్రియుల్ని సంభ్రమాశ్చర్యాల్లో ముంచెత్తుతాయి. జ్యుయెలరీ, టాయ్స్‌, హోమ్‌వేర్‌, ఫ్యాషన్‌ ఇంకా చాలా చాలా బ్రాండెడ్‌ ఉత్పత్తులు అతి తక్కువ ధరలకు ఈ స్పెషల్‌ సేల్‌లో లభ్యం కానున్నాయి.