న్యూఢిల్లీ : పాకిస్థాన్ నుంచి కార్యకలాపాలు సాగించే జైష్ ఇ మొహమ్మద్ (జేఈఎమ్) ఉగ్ర సంస్థ బీజేపీ అగ్రనాయకులను తన హిట్ లిస్ట్ లో చేర్చింది. ఈ మేరకు జేఈఎమ్ చీఫ్ మసూద్ అజహర్ ఒక జాబితాను రూపొందించడమే కాకుండా హిట్ లిస్ట్ లో ఉన్న రాజకీయ వేత్తలపైదాడులు జరిపేందుకు ఒక ప్రత్యేక స్క్వాడ్ కు కూడా ఏర్పాటు చేసినట్లు సమాచారం. దీనిపై ఇప్పటికే భారత నిఘా సంస్థలు దర్యాప్తు ప్రారంభించినట్లు విశ్వసనీయ వర్గాల సమాచారం. కాగా జేఈఎమ్ బీజేపీ అగ్రనేతలపై దాడులకు లష్కరే ఇ తోయిబా సహకారం కోరిందని నిఘావర్గాలు తెలిపాయి.