హైదరాబాద్‌: హైదరాబాద్‌ నగర పరిధిలోగల గచ్చిబౌలిలో జరుగుతున్న సన్‌బర్న్‌ వేడుకకు ఓ వ్యక్తి రివాల్వర్‌తో వచ్చి హల్‌చల్‌ చేశాడు. అనుమానిత వ్యక్తి రివాల్వర్‌తో రావడంతో గమనించిన పోలీసులు తనిఖీలు చేసి అదుపులోకి తీసుకున్నారు. అనంతరం అనుమానితుడ్ని విచారణ నిమిత్తం పోలీస్‌ స్టేషన్‌కు తరలించారు. అయితే, అంతకుముందు పోలీసులు అడిగిన ప్రశ్నలకు అనుమానితుడు పొంతనలేని సమాధానాలు చెప్పాడు. మొదట తాను పోలీసు అధికారినన్న అతను, తరువాత ఆర్మీ అధికారినంటూ బుకాయించాడు. దీంతో అనుమానం వచ్చిన పోలీసులు విచారణ నిమిత్తం పోలీస్‌ స్టేషన్‌కు తరలించారు.