ఏలూరు: ముఖ్యమంత్రి చంద్రబాబు నాయుడు పోలవరంలో పర్యటిస్తున్నారు. కొద్దిసేపటి క్రితం పోలవరం చేరుకున్న చంద్రబాబు ఏరియల్‌ సర్వే ద్వారా పోలవరం ప్రాజెక్టు పనులను పరిశీలించారు. ప్రాజెక్టు వద్ద డయాఫ్రం వాల్‌, స్పిల్‌వే, దిగువ కాఫర్‌ డ్యామ్‌ పనులను చంద్రబాబు పరిశీలించనున్నారు. పోలవరం చేరుకున్న చంద్రబాబుకు మంత్రి దేవినేని ఘనస్వాగతం పలికారు. పనుల పరిశీలన అనంతరం చంద్రబాబు ప్రాజెక్టు వద్ద జలవనరుల శాఖ అధికారులతో సమీక్షించనున్నారు.