నేషనల్‌ సెంటర్‌ ఆఫ్‌ మిటియరాలజీ అండ్‌ సెస్మాలజీ వెల్లడించిన వివరాల ప్రకారం దేశవ్యాప్తంగా అన్‌ స్టేబుల్‌ వెదర్‌ కండిషన్స్‌ ఉంటాయని తెలియవస్తోంది. కొన్ని చోట్ల గాలులు ఎక్కువగా ఉంటాయనీ, వీటి కారణంగా దుమ్ము, ధూళి రేగి విజిబిలిటీ తక్కువగా ఉంటుందనీ, ఇంకొన్ని చోట్ల వర్షాలు కురిసే అవకాశం ఉందని ఎన్‌సిఎంఎస్‌ పేర్కొంది. డిసెంబర్‌ 15 నుంచి 18 వరకు వాతావరణ పరిస్థితులు ఇలాగే ఉంటాయని ఇప్పటికే ఎన్‌సిఎంఎస్‌ వీకెండ్‌ వెదర్‌ ఫోర్‌కాస్ట్‌ని విడుదల చేయడం జరిగింది. అరేబియన్‌ గల్ఫ్‌ అలాగే ఒమన్‌ సముద్రం రఫ్‌గా ఉండనున్నాయి. కొన్ని ప్రాంతాల్లో సముద్రం ఇంకా రఫ్‌గా ఉండే అవకాశం ఉన్నందున సీ షోర్స్‌లో సేద తీరుదామనుకునేవారు అప్రమత్తంగా ఉండాలని అధికారులు హెచ్చరించారు.