మస్కట్‌: వర్క్‌ ప్లేస్‌లో స్మోకింగ్‌ చేయడం అలవాటా? అయితే వెంటనే మానుకోవాల్సిందే. లేదంటే 100 ఒమన్‌ రియాల్స్‌ జరీమానా చెల్లించాల్సి ఉంటుందని మస్కట్‌ మునిసిపాలిటీ హెచ్చరించింది. అడ్మినిస్ట్రేటివ్‌ డెసిషన్‌ నెంబర్‌ (55/2017) ఎన్‌ఫోర్స్‌మెంట్‌లోకి తీసుకొచ్చిన మునిసిపాలిటీ, వర్కింగ్‌ ప్లేసెస్‌లో అన్‌హెల్దీ అలవాట్లపై ఉక్కుపాదం మోపబోతోంది. చెల్లుబాటయ్యే హెల్త్‌ సర్టిఫికెట్‌ లేకుండా పనిచేస్తున్న కార్మికులకీ 100 ఒమన్‌ రియాల్స్‌ జరీమానా విధిస్తారు. హెల్త్‌ సర్టిఫికెట్‌ పొందేవరకూ విధుల నుంచి ఆ కార్మికుడు సస్పెండ్‌ అవుతాడు. అనారోగ్యం, గాయాలు వంటివాటితో బాధపడే కార్మికులకి 200 ఒమన్‌ రియాల్స్‌ జరీమానాతోపాటు, ఆ అనారోగ్యం నుంచి పూర్తిగా కోలుకునేదాకా వారిపై సస్పెన్షన్‌ వేటు పడ్తుందని మునిసిపాలిటీ పేర్కొంది.