క్రికెట్‌లో వేల పరుగులు చేసిన సచిన్ టెండూల్కర్, రాజ్యసభలో డకౌట్ అయ్యారు. ఆయన స్పీచ్ మొదలు కాకుండానే సభ పలుమార్లు వాయిదాపడింది. గురువారం రాజ్యసభలో సమావేశాలు మొదలుకాగానే తొలిసారి మాట్లాడేందుకు సిద్ధమయ్యారు సచిన్. కానీ, కాంగ్రెస్ సభ్యుల ఆందోళన మధ్య మాస్టర్ బ్లాస్టర్ తన ఫస్ట్ ఇన్నింగ్స్‌ ఖాతాను తెరవలేక పోయారు. షార్ట్ నోటీసు కింద చేపట్టిన చర్చపై క్రీడలపై రాజ్యసభలో మాట్లాడేందుకు ప్రిపేరయ్యారు సచిన్. అదే సమయంలో గుజరాత్ ఎన్నికల్లో ప్రధాని మోదీవ్యాఖ్యలను నిరసిస్తూ విపక్ష సభ్యలు నినాదాలతో హోరెత్తిస్తున్నారు. సభ గందరగోళంగా మారడంతో వాయిదా పడింది.