మస్కట్‌: ఒమనీ ఒకరు, తన వాహనంలో వేగంగా వెళుతూ రోడ్డుపై ఓ వ్యక్తిని ఢీకొని, అతని మృతికి కారణమైన కేసులో అరెస్ట్‌ అయ్యాడు. రాయల్‌ ఒమన్‌ పోలీసు అధికార ప్రతినిథి వెల్లడించిన వివరాల ప్రకారం, తమ డిపార్ట్‌మెంట్‌ నార్త్‌ బతినాలో ఓ వ్యక్తిని హిట్‌ అండ్‌ రన్‌ కేసులో అరెస్ట్‌ చేసినట్లు తెలియవస్తోంది. ఆసియా జాతీయుడొకరి మృతదేహం రోడ్డుపై కనుగొనబడినట్లు సమాచారం అందగానే, సంఘటనా స్థలానికి వెళ్ళిన తాము ప్రమాదం ఎలా జరిగిందన్నదానిపై ఆరా తీయగా, అది హిట్‌ అండ్‌ రన్‌ వ్యవహారంగా తేలిందని పోలీసు అధికారులు చెప్పారు. విచారణలో నిందితుడ్ని కనుగొని, నిజాన్ని రాబట్టారు.