మస్కట్‌: నిషేధిత స్పై గేర్‌లను ఇంటర్నెట్‌ ద్వారా విక్రయిస్తున్న ముఠా సభ్యుల్ని రాయల్‌ ఒమన్‌ పోలీసులు అరెస్ట్‌ చేశారు. రిస్క్‌ మేనేజ్‌మెంట్‌ డిపార్ట్‌మెంట్‌, పలువురు సభ్యులుగల ముఠాని అరెస్ట్‌ చేసిందనీ, వీరంతా సోషల్‌ నెట్‌వర్కింగ్‌ సైట్స్‌ ద్వారా నిషేధిత స్పైయింగ్‌ గేర్‌లను విక్రయిస్తున్నారని ఒమన్‌ కస్టమ్స్‌ ఆన్‌లైన్‌ ద్వారా వెల్లడించింది. పెన్నులు, కళ్ళద్దాలు, వాకీ టాకీలు, ఎలక్ట్రానిక్‌ ప్లగ్‌లు వంటి వాటికి సీక్రెట్‌ కెమెరాలను అమర్చడం పట్ల ఆందోళన వ్యక్తమవుతోంది. ఇవి వ్యక్తుల ప్రైవసీని దెబ్బతీస్తాయనే కోణంలో ఒమన్‌లో వీటిని పూర్తిగా నిషేధించడం జరిగింది.