డొనాల్డ్‌ ట్రంప్‌ చేసిన వ్యాఖ్యలపై పాక్‌ అలర్టయ్యింది. ఉగ్రవాదులపై తాము పోరాటం చేస్తూనే ఉన్నామని పాకిస్థాన్‌ విదేశాంగశాఖ మంత్రి ఖవాజా అసిఫ్‌ చెప్పుకొచ్చారు. ట్రంప్‌ ట్వీట్‌ చేసిన నిమిషాల వ్యవధిలోనే అసిఫ్‌ దీనిపై ట్వీట్‌ చేశారు. వీలైనంత త్వరలోనే ట్రంప్‌ వ్యాఖ్యలపై స్పందిస్తామని... నిజాలు, అవాస్తవాలకు మధ్య ఉన్న తేడా ఏమిటో ప్రపంచం త్వరలోనే తెలుసుకుంటుందని అసిఫ్‌ తన ట్వీట్‌లో పేర్కొన్నారు. ఐతే.. తాజాగా ట్రంప్‌ చేసిన వ్యాఖ్యలతో పాక్‌కు భారీ షాక్‌ తగిలింది. గతంలో కూడా పాక్‌ ఉగ్రవాదులకు స్వర్గధామంగా మారిందని ట్రంప్‌ వ్యాఖ్యలు చేశారు. మరోసారి అవే వ్యాఖ్యలను ఆయన పునరుద్ఘాటించారు.