మీడియా ఆవిష్కరణ ల పరిజ్ఞానాన్ని పంచుకోవడానికి ఉద్దేశించిన ప్రత్యేక  కార్యక్రమాల సమాహారం - 'మీడియా ఇన్నోవేషన్ ల్యాబ్' ను ప్రారంభించనున్నట్టు, ద గవర్నమెంట్ ఆఫ్ దుబాయ్ మీడియా ఆఫీస్ (GDMO) వారు ప్రకటించారు. మీడియా రంగంలోనే కాకుండా, జీవితంలోని వివిధ కోణాలను కూడా పరిణామం చెందిస్తున్న మీడియా సంబంధిత ఆవిష్కరణలను గురించి చర్చించడానికి -లిథియం టెక్నాలజీస్ చీఫ్ సైంటిస్ట్ - మైఖేల్ వూ, మధ్యప్రాచ్యం లో గూగుల్ యొక్క రీజనల్ కమ్మ్యునికేషన్స్ మేనేజర్ - జాయిస్ బాజ్, ప్రముఖ ఫోటోగ్రాఫర్ జోయెల్ షాఫ్ఫార్ వంటి ప్రముఖ నిపుణులతో వర్క్ షాపులను ఏర్పాటు చేస్తున్నారు.  రానున్న ఏడు సంవత్సరాలలో ప్రపంచంలోనే సృజనాత్మకమైన దేశాలలో ఒకటిగా నిలవాలనే వ్యూహంతో, యు.ఎ. ఈ. ప్రభుత్వo, 2015 ను "ఇయర్ ఆఫ్ ఇన్నోవేషన్" గ ప్రకటించిందని, సృజనాత్మకతను ప్రపంచ దేశాలలో మేటిగా నిలవడానికే మొదటి ప్రాధాన్యత నిస్తోందని GDMO డైరక్టర్ జనరల్ మోనా అల మార్రి తెలిపారు.