శరణార్ధుల సమస్య ప్రపంచవ్యాప్త సవాలుగా పరిణమించిందని, దీని వెనుక గల అసలు కారణాలను కనుగొని, వానిని పరిష్కరించడం ద్వారా సమస్యను ఎదుర్కోవాలని కతార్ పిలుపునిచ్చింది. "మధ్యధరా పరివాహక ప్రాంతంలో అక్రమ వలసదారుల విషాదాలపై ప్రపంచ అవగాహన - సిరియా శరణార్ధులపై ప్రత్యెక ఉద్ఘాటన" అనే అంశంపై ఐక్యరాజ్య సమితి సాధారణ సభ 70 వ సమావేశాన్ని ఉద్దేశించి ప్రసంగిస్తూ, ఐక్యరాజ్య సమితిలో కతార్ యొక్క శాశ్వత ప్రతినిధి హిజ్ హైనెస్ షేక్  అలియా అహ్మద్ బిన్త్ సైఫ్ అల్- థాని - కాందిసీకులకు రక్షణ నివ్వాలని, ఆశ్రయం పొందడానికి 1951 సంవత్సరపు శరణార్ధుల సదస్సు నియమాల ప్రకారం వారికి గల హక్కును గౌరవించాలని ప్రపంచ దేశాలకు విజ్ఞప్తి చేసారు.