సౌదీలోని పలు ప్రాంతాల్లో భారీగా మంచు కురిసింది. తెల్లని మంచు భారీగా పేరుకుపోవడంతో ప్రకృతి సౌందర్యాన్ని చూసి సౌదీ ప్రజలు ఆనందోత్సాహాల్లో మునిగిపోయారు. మౌంట్‌ అలోజ్‌ వ్యాలీ పరిసరాల్లో ఈ మంచు ఎక్కువ కురిసింది. సౌదీ అరేబియాలోని నార్త్‌ వెస్టర్న్‌ ప్రాంతాలు మంచుతో ఆహ్లాదంగా మారాయి. సౌదీ ప్రెస్‌ ఏజెన్సీ వెల్లడించిన వివరాల ప్రకారం ఈ మంచు శనివారం వరకూ కురిసే అవకాశం ఉన్నట్లు తెలియవస్తోంది. మంచు విపరీతంగా కురుస్తుండడంతో ట్రాఫిక్‌ సమస్యలు, ఇతర సమస్యలు తలెత్తే అవకాశం ఉన్నందున భద్రతను కట్టుదిట్టం చేశారు. మౌంట్‌ అలోజ్‌ చుట్టూ భారీగా భద్రతా ఏర్పాట్లు చేస్తున్నారు.