రజనీకాంత్ - అక్షయ్‌కుమార్ - ఎమీజాక్సన్ కాంబోలో రానున్న మూవీ 'రోబో 2'. రిలీజ్ మాట కాసేపు పక్కనబెడితే టీజర్ మాత్రం ఈనెల చివర్లో విడుదల కానున్నట్లు సమాచారం. అందుకు సంబంధించిన పనులు వేగంగా జరుగుతున్నాయి. టీజర్‌కి సంబంధించిన సీజీ వర్క్స్ అమెరికాలో దాదాపు పూర్తి అయ్యాయన్నది యూనిట్ చెబుతున్నమాట. హైదరాబాద్‌లో జరిగే టీజర్ విడుదల కార్యక్రమానికి మెగాస్టార్ చిరంజీవి, మలయాళ సూపర్‌స్టార్స్ మోహన్‌లాల్, మమ్ముట్టిలను యూనిట్ ఇన్వైట్ చేయనున్నట్టు తెలుస్తోంది. అన్నీ అనుకున్నట్లు జరిగితే ట్రైలర్‌ మార్చిలోగా రావడం ఖాయం. ఈ లెక్కన '2 పాయింట్ 0' ఏప్రిల్‌లో విడుదలయ్యే అవకాశాలు ఎక్కువగా వున్నాయి.