దుబాయ్: ప్రపంచ పర్యాటకులను ఆకర్షించేందుకు దుబాయ్ ప్రభుత్వం రాస్ అల్ ఖైమాలో ఏర్పాటు చేసిన ఇనుప తీగపై ప్రయాణించే (రోప్‌వే) పర్యాటకులను విశేషంగా ఆకర్షిస్తుంది. ప్రపంచంలోనే అతి పొడవైన జిప్‌లైన్ గా గిన్నిస్ పుస్తకంలో అరుదైన రికార్డు సొంతం చేసుకొంది. 2.83 కి.మీల పొడవుతో ఈ జిప్‌లైన్‌ను నిర్మించామని షేక్ సౌద్ బిన్ స్కార్వ్ అల్ క్వాసీమీ తెలిపారు. ఫిబ్రవరి ఒకటో తేదీ నుంచి ప్రారంభమైన ఈ సౌకర్యం సందర్శకుల కోసం జిప్‌లైన్ సేవలు ప్రారంభించామని ఆయన చెప్పారు. ప్రస్తుతం రోజుకి 200 మంది సందర్శకులు జిప్‌లైన్ ప్రయాణం చేసేందుకు ఈ ప్రాంతానికి చేరుకొంటున్నట్లు ఆయన వివరించారు.