నితిన్ ప్రస్తుతం తన 25వ సినిమా షూటింగ్‌లో బిజీగా ఉన్నాడు. పవన్ క్రియేటివ్ వర్క్స్, సుధాకర్ రెడ్డి నిర్మిస్తున్న ఈ సినిమాకు కృష్ణ చైతన్య దర్శకుడు. త్రివిక్రమ్ అందించిన కథతో తెరకెక్కుతున్న ఈ సినిమాలో నితిన్ సరసన మేఘా ఆకాష్ హీరోయిన్‌గా నటిస్తోంది. చిత్రానికి 'గుర్తుందా శీతాకాలం' అనే టైటిల్ పరిశీలనలో పెట్టారు. కాగా ఈ చిత్రానికి సంబంధించిన అప్‌డేట్స్‌ని నితిన్ తాజాగా సోషల్ మీడియా వేదికగా తెలిపాడు.

ఫిబ్రవరి 12వ తేదీన సినిమా ఫస్ట్‌లుక్ విడుదల కానుందని, ఫిబ్రవరి 14న చిత్ర టీజర్ బయటకు వదులుతున్నామని అలాగే ఏప్రిల్ 5వ తేదీన సినిమా విడుదల కాబోతుందని వెల్లడించాడు నితిన్. ఇటీవలే 'లై' సినిమాతో కాస్త నిరాశ చెందిన నితిన్ ఈ సినిమాపై మాత్రం పూర్తి నమ్మకంగా ఉన్నాడట.