భారతీయ సినీ పరిశ్రమలోనే తొలిసారిగా ఒక కుక్క ప్రధాన పాత్రలో ఎడ్వెంచర్‌ కథా చిత్రాన్ని తెరకెక్కించారు. ఉరుమీన్‌ అనే వైవిధ్యభరిత కథా చిత్రాన్ని రూపొందించిన దర్శకుడు శక్తివేల్‌ పెరుమాళ్‌స్వామి దర్శకత్వంలో తెరకెక్కిన ఈ చిత్రం ఫస్ట్‌లుక్‌ ఫోస్టర్‌ను చిత్ర యూనిట్‌ విడుదల చేసింది. కుక్కకు, మనిషికి మధ్య అనుబంధం, ఒకరికి ఒకరు చేసుకునే సాయం గురించి ఆవిష్కరించే చిత్రంగా ఇది ఉంటుందని కాల్‌టైల్‌ సినిమాస్, యునైటెడ్‌ ఫిలింస్‌ సంస్థలు తెలిపాయి. చిత్రానికి సంబంధించిన పూర్తి వివరాలను త్వరలోనే వెల్లడించనున్నారు.