కన్నడ సూపర్ స్టార్ శివరాజ్‌ కుమార్‌ ప్రధాన పాత్రలో రూపొందిన 'టగరు' సినిమాను చిత్రయూనిట్ తో కలిసి వర్మ ఇటీవల వీక్షించాడు.. ఈ సినిమా చూసిన తరువాత వర్మ మాట్లాడుతూ, ఈ సినిమాలో హీరోయిన్ పాత్ర పోషించిన మాన్విత హరీశ్‌ కేవలం కథానాయిక మాత్రమే కాదని అన్నాడు. ఈ సినిమాలో ఆమె తన నటనతో అందరినీ విస్మయానికి గురి చేస్తుందని చెప్పాడు. ఆమె సినీ రంగంలో మంచి భవిష్యత్ ఉందంటూ కితాబు ఇచ్చాడు.. అంతే కాకుండా తన తదుపరి మూవీలో హీరోయిన్ గా నటించాల్సిందిగా ఆమెకు ఓపెన్ ఆఫర్ ఇచ్చాడు.. అంతే కాకుండా డిమాండ్ చేసిన పారితోషికం కంటే ఆదనంగా మరో రూ 10 లక్షలు ఇచ్చేందుకు కూడా సిద్దమని ఆమెకు నేరుగానే చెప్పాడు.. ఇక ఈ కన్నడ మూవీ డైరెక్టర్ సూరితో తాను నిర్మాత ఒక మూవీ తీస్తానని కూడా తెలిపాడు.