హైదరాబాద్ లో ఓ న్యూస్ ఛానల్ యాంకర్ సూసైడ్ చేసుకుంది. నా చావుకు ఎవరూ కారణం కాదు.. నా మెదడే నా శత్రువు.. అందుకే ఆత్మహత్య చేసుకుంటున్నానూ అంటూ సూసైడ్ లెటర్లో పేర్కొంది. అపార్ట్ మెంట్ భవనం పై నుంచి దూకి తనువు చాలించింది.

ఓ న్యూస్ ఛానల్‌లో యాంకర్‌ గా పనిచేస్తున్న రాధిక.. హైదరాబాద్‌లోని మూసాపేటలో నివాసముంటోంది.  ఆర్నెల్ల కిందట భర్తతో విడాకులు తీసుకున్నట్లు తెలుస్తోంది. ప్రస్తుతం తన తండ్రి, చెల్లెలు, కుమారుడితో కలిసి ఉంటోంది. భర్త దూరమవ్వడంతో కొన్నాళ్లుగా తీవ్రమానసిక ఒత్తిడికి లోనైనట్లు కుటుంబ సభ్యులు చెబుతున్నారు. ఆదివారం రాత్రి 10.30 గంటల సమయంలో ఆఫీసు నుంచి ఇంటికి వచ్చిన ఆమె.. నిమిషాల వ్యవధిలోనే అపార్ట్‌మెంట్‌ ఆరో అంతస్తుపై నుంచి దూకి ఆత్మహత్య చేసుకుంది.

సూసైడ్ లెటర్ ఆధారంగా విచారణ చేపట్టిన పోలీసులు.. మానసిక ఒత్తిడితోనే ఆత్మహత్య చేసుకుందా లేక మరేమైనా కారణాలు ఉన్నాయా అన్న కోణంలో దర్యాప్తు చేస్తున్నారు.