యూఏఈలో ఉద్యోగాల కోసం వచ్చే చాలామందికి మిలియనీర్స్‌ అవ్వాలనే కోరిక వుంటుంది. అయితే ఆ అదృష్టం కొందరికే వరిస్తుంది. అతి కొద్దిమందికి అదృష్టం వేరే రూపాల్లోనూ కలిసొస్తుంటుంది. అదే 'రాఫిల్'. అబుదాబీ బిగ్‌ టికెట్‌ రఫాలె నుంచి దుబాయ్‌ డ్యూటీ ఫ్రీ మిలియనీర్‌ డ్రా వరకు.. చాలా కొద్దిమందికి అనూహ్యంగా రాత్రికి రాత్రే మిలియనీర్‌ అయ్యే అవకాశాలు కల్పిస్తున్నాయి. వీటిల్లో ఎక్కువమంది విజేతలు భారతీయులే కావడం గమనార్మం. 1999లో దుబాయ్‌ డ్యూటీ ఫ్రీ మిలియనీర్‌ డ్రా ప్రారంభం కాగా, 1 మిలియన్‌ డాలర్‌ విలువైన 264 చెక్స్‌ విజిటర్స్‌ మరియు రెసిడెంట్స్‌కి అందాయి. ఇందులో ఆరుగురు రెండుసార్లు విన్నర్స్‌గా నిలవడం విశేషం. 1992 నుంచి బిగ్‌ టిక్కెట్‌ విజేతల్ని తీసుకుంటే 312 ఫస్ట్‌ ప్రైజ్‌ విన్నర్స్‌లో 80 శాతం భారతీయులే. 264 మంది 1 మిలియన్‌ డాలర్‌ - దుబాయ్‌ డ్యూటీ ఫ్రీ విన్నర్స్‌లో 125 మంది భారతీయులే కావడం మరో ఆశ్చర్యకర అంశం.