శంషాబాద్ అంతర్జాతీయ విమానాశ్రయంలో గురువారం కస్టమ్స్ అధికారులు తనిఖీలు చేపట్టారు. ఈ తనిఖీల్లో ఓ ప్రయాణికుడి నుంచి కిలో బంగారం, కిలో వెండిని అధికారులు స్వాధీనం చేసుకున్నారు. ఉదయం దుబాయి నుంచి వచ్చిన ప్రయాణీకుల లగేజీని తనిఖీ చేశారు. ఈ సందర్భంగా ఓ లగేజీలో అధిక మొత్తంలో బంగారం ఉన్నట్లు అధికారులు గుర్తించారు. బంగారం, వెండికి సంబంధించిన సరైన పత్రాలు లేకపోవడంతో ప్రయాణీకుడిని అదుపులోకి తీసుకుని ప్రశ్నిస్తున్నారు. స్వాధీనం చేసుకున్న బంగారాన్ని కస్టమ్స్ అధికారులు సీజ్ చేశారు.