ఉద్యోగం కోసం వచ్చిన ఓ మహిళపై అత్యాచార యత్నం చేశాడో ఎమిరేటీ వ్యక్తి. 46 ఏళ్ళ ఎమిరేటీ వ్యక్తి, ఉద్యోగం కోసం తన వద్దకు వచ్చిన ఫిలిప్పినా మహిళను వంచించబోయాడు. ఈ క్రమంలో ఇద్దరి మధ్యా తీవ్రమైన తోపులాట జరిగింది. అత్యంత క్రూరంగా నిందితుడు తనపై దాడి చేశాడని బాధితురాలు పేర్కొంది. జనవరి 31న ఈ ఘటన జరిగినట్లు బాధితురాలు పోలీసులకు పిర్యాదు చేసింది. బాధితురాలి ఫిర్యాదుతో నిందితుడ్ని అరెస్ట్‌ చేశామని పోలీసులు తెలిపారు. అయితే, శృంగారం కోసం తొలుత ఆ మహిళ ఒప్పుకుందనీ, ఆ తర్వాత ఆమె తనను మోసం చేసిందనీ, ఇదంతా ఆమె కుట్రపూరితంగా చేస్తోందని నిందితుడు పోలీసులకు చెప్పాడు. కాగా ఫోరెన్సిక్‌ పరీక్షలో బాధితురాలిపై గాయాలు, ఆమె చెబుతున్న విషయాలకు బలం చేకూర్చుతున్నట్లుగా తేలింది. ఈ కేసు విచారణ మే 8న జరగనుంది.