అబుదాబి:హైపర్‌ లూప్‌ ట్రాన్స్‌పోర్ట్‌ టెక్నాలజీ కంపెనీ (హైపర్‌ లూప్‌ టిటి), తమ తొలి హైపర్‌ లూప్‌ లైన్‌ని అబుదాబీ ఎయిర్‌ పోర్ట్‌ - అల్‌ మక్తౌమ్‌ ఎయిర్‌ పోర్ట్‌లను కలుపుతూ దుబాయ్‌లో ఏర్పాటు చేస్తున్నట్లు ప్రకటించడాన్ని రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ) ఖండించింది. ప్రస్తుతం హైపర్‌లూప్‌ వ్యవస్థ పరిశోధన దశలోనే వుందని చెప్పిన ఆర్‌టిఎ, ఇప్పటికైతే హైపర్‌ లూప్‌ సిస్టమ్‌ని దుబాయ్‌లోగానీ, దుబాయ్‌ తోపాటు ఇతర ఎమిరేట్స్‌ని కనెక్ట్‌ చేసే రూట్లకు సంబంధించిగానీ ఎలాంటి నిర్ణయం తీసుకోలేదని స్పష్టం చేసింది. ట్విట్టర్‌ ద్వారా ఆర్‌టిఎ ఈ వ్యాఖ్యలు చేసింది. ఇంకా ఈ ప్రాజెక్టుకు సంబంధించి సాధ్యా సాధ్యాల పరిశీలనే కొనసాగుతోంది. ఫీజిబులిటీ సహా అనేక అంశాల్ని పరిశీలిస్తున్నారు.