చెన్నై: ప్రముఖ రచయిత బాలకుమారన్‌ మంగళవారం కన్నుమూశారు. ఆయన మృతి పట్ల తమిళ సినీ ప్రముఖులు సంతాపం తెలిపారు. ఆయన ఇంటికి చేరుకుని నివాళులర్పించారు. బాలకుమారన్‌ అనేక విజయవంతమైన సినిమాల కోసం పనిచేశారు. 'బాషా', ''కాదలన్‌', 'నాయకన్‌', 'జెంటిల్‌మెన్‌', 'సిటిజెన్‌' తదితర సినిమాలకు ఆయన రచయితగా పనిచేశారు. 'ఈ బాషా ఒక్కసారి చెబితే.. వందసార్లు చెప్పినట్టే' డైలాగ్‌ను కూడా బాలకుమారన్‌ రాశారు. ఈ డైలాగ్‌ ఎంత ఫేమస్‌ అయ్యిందో ప్రత్యేకంగా చెప్పనక్కర్లేదు. ఈ చిత్రం విడుదలై దాదాపు 23 ఏళ్లు గడుస్తున్నప్పటికీ ఇంకా అందరి నోళ్లల్లో నానుతోంది.