బ్లూ వేల్‌ సహా పలు ఆన్‌లైన్‌ గేమింగ్‌ వెబ్‌సైట్స్‌ని యూఏఈలో బ్లాక్‌ చేశారు. యూఏఈ అఆర్నీ జనరల్‌ డాక్టర్‌ హమాద్‌ సైఫ్‌ అల్‌ షమ్షీ ఆదేశాల మేరకు ఈ నిర్ణయం తీసుకున్నారు. రోబ్లోక్స్‌, మై ఫ్రెండ్‌ కేలా, బ్లూ వేల్‌, క్లౌడ్‌పెట్స్‌ మరియు మారియమ్‌ అనే వెబ్‌సైట్లను ఈ మేరకు బ్లాక్‌ చేయడం జరిగింది. యువతపై తీవ్ర ప్రభావం చూపుతున్న ఈ గేమింగ్‌ వెబ్‌సైట్స్‌ వచ్చిన పలు ఫిర్యాదుల నేపథ్యంలో వాటిని బ్లాక్‌ చేయాలని నిర్ణయించారు. టెలికమ్యూనికేషన్స్‌ రెగ్యులేటరీ అథారిటీ (ట్రా) అవసరమైన అన్ని చర్యలూ తీసుకుని, ఇంటర్నెట్‌ ప్రొవైడర్స్‌ అలాగే టెలికమ్యూనికేషన్‌ సంస్థలు వీటిని బ్లాక్‌ చేసేలా చూడాలని అటార్నీ జనరల్‌ ఆదేశించారు.