మస్కట్‌: ఆసానా యోగా స్టూడియో, లామా పోలీ క్లీనిక్‌ సంయుక్తంగా యోగాపై వర్క్‌ షాప్‌ నిర్వహించాయి. యోగాతోపాటు ఆయుర్వేదిక్‌ వెల్‌నెస్‌పైనా ఈ వర్క్‌ షాప్‌ నిర్వహించారు. నాలుగవ యునైటెడ్‌ నేషన్స్‌ ఇంటర్నేషనల్‌ యోగా డే నేపథ్యంలో ఈ వర్క్‌ షాప్‌ నిర్వహించినట్లు ఇశ్రీనర్వాహకులు తెలిపారు. జూన్‌ 21న జరిగే అంతర్జాతీయ యోగా దినోత్సవంలో ప్రతి ఒక్కరూ పాల్గొనాలని ఇండియన్‌ అంబాసిడర్‌ ఇంద్రా మణి పాండే విజ్ఞప్తి చేశారు. యోగా మరియు ఆయుర్వేద వెల్‌నెస్‌పై పలువురు ఆసక్తి చూపారు. యోగా ప్రక్రియల గురించి, ఆయుర్వేద వైద్య ప్రక్రియల గురించీ అడిగి తెలుసుకున్నారు.