మస్కట్‌: 3,000 ప్లేట్ల హైద్రాబాదీ బిర్యానీని రెసిడెంట్స్‌ అలాగే సిటిజన్స్‌కి అందించనున్నారు. ఇండియన్‌ సోషల్‌ క్లబ్‌కి చెందిన దక్కని వింగ్‌, పవిత్ర రమదాన్‌ మాసం నేపథ్యంలో ఇఫ్తార్‌ మీల్‌లో భాగంగా ఈ ఏర్పాట్లు చేశారు. మే 25న క్లాక్‌ టవర్‌ - సిబిడి వద్ద ఈ బిర్యానీ పంపకం వుంటుంది. 2002 నుంచి రమదాన్‌ సందర్భంగా ఇఫ్తార్‌ని అందిస్తూ వస్తోంది ఇండియన్‌ సోషల్‌ క్లబ్‌తో కలిసి హైదరాబాదీ కమ్యూనిటీ. ఖర్చు ఎంతైనా వెనుకాడకుండా తమవంతుగా ఇఫ్తార్‌ మీల్స్‌ ఏర్పాటు చేస్తున్నామనీ, ఇదొక దైవ కార్యంగా భావిస్తున్నామనీ, మానవీయ కోణంలో ఇఫ్తార్‌ మీల్స్‌ ఏర్పాటు చేస్తుండడం ఆనందంగా వుందనీ నిర్వాహకులు తెలిపారు. మస్కట్‌లోని పలు రెస్టారెంట్లనుంచి బిర్యానీని సేకరిస్తున్నారు. హైద్రాబాదీ బిర్యానీ ప్రత్యేకత గురించి కొత్తగా చెప్పేదేముంది? ఒమన్‌లో భారత బ్రాండ్‌ అంబాసిడర్‌ ఇంద్రా మణి పాండే కూడా ఈ కార్యక్రమానికి హాజరయ్యే అవకాశాలున్నాయి.