కువైట్‌: కువైట్‌లో నివసిస్తున్న వలసదారుల రెమిటెన్సెస్‌ 13 శాతం తగ్గినట్లు అధికారిక గణాంకాలు చెబుతున్నాయి. మనీ ఎక్స్‌ఛేంజ్‌ సోర్సెస్‌ వెల్లడించిన వివరాల ప్రకారం 2018 తొలి క్వార్టర్‌లో 13 శాతం తక్కువగా వలసదారుల రెమిటెన్సెస్‌ నమోదయ్యాయి. గత ఏడాది 9 శాతం తగ్గుదల నమోదయ్యింది. 2016తో పోల్చితే, 2017లో 9 శాతం తగ్గుదల నమోదయ్యింది. 2016లో 4.56 బిలియన్‌ కువైట్‌ దినార్స్‌ వుండగా, 2017లో అది 4.14 బిలియన్‌ కువైట్‌ దినార్స్‌గా నమోదయ్యింది. వలసదారుడి నెలవారీ రెమిటెన్స్‌ రేటు 625 డాలర్ల నుంచి 545 డాలర్లకు పడిపోయింది. ఆయిల్‌ ధరలు తగ్గుదలే దీనికి కారణంగా అంచనా వేస్తున్నారు నిపుణులు.