మస్కట్‌: ప్రముఖ నటుడు కెప్టెన్‌ రాజు గుండెపోటుతో ఆసుపత్రిలో చేరారు. అమెరికా వెళుతుండగా, మార్గమధ్యంలో గుండెపోటుకు గురైన రాజుని, ఒమన్‌లోని కిమ్స్‌ ఆసుపత్రికి తరలించారు. మస్కట్‌ విమానాశ్రయంలో రాజు ప్రయాణిస్తున్న విమానాన్ని ఎమర్జన్సీ ల్యాండింగ్‌ చేశారు. కిమ్స్‌ ఆసుపత్రిలో ప్రస్తుతం కెప్టెన్‌ రాజుకి వైద్య చికిత్స అందిస్తున్నారు. ఐసీయూలో ఆయనకు చికిత్స అందుతోందనీ, ప్రస్తుతం ఆయన ఆరోగ్య పరిస్థితి నిలకడగానే వుందని కిమ్స్‌ ఆసుపత్రి వైద్యులు వెల్లడించారు. సుమారు 500 సినిమాల్లో కెప్టెన్‌ రాజు నటించారు. తెలుగు, తమిళ, మలయాళ, కన్నడ సినిమాల్లో నటుడిగా కెప్టెన్‌ రాజు పనిచేశారు. అంతకు ముందు ఆయన మిలిటరీలో సేవలు అందించారు. ఆర్మీ అధికారిగా పనిచేసి, ఆ తర్వాత సినిమాల్లోకొచ్చారు కెప్టెన్‌ రాజు. ఎక్కువగా విలన్‌ పాత్రల్లో కెప్టెన్‌ రాజు నటించారు.