మస్కట్‌: ఓ వలస కార్మికుడు బావిలో పడి తీవ్రగాయాల పాలైన ఘటన అల్‌ దఖ్లియా గవర్నరేట్‌ పరిధిలో జరిగింది. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) వెల్లడించిన వివరాల ప్రకారం అల్‌ దఖ్లియా గవర్నరేట్‌ పరిధిలోని విలాయత్‌ ఆఫ్‌ మనాలో ఈ ఘటన చోటు చేసుకుంది. సమాచారం అందగానే, పిఎసిడిఎ వాటర్‌ రెస్క్యూ టీమ్‌ సంఘటనా స్థలానికి చేరుకుంది. ఆసియా జాతీయుడైన వలస కార్మికుడ్ని బావి నుంచి వెలుపలికి తీశారు. గాయపడ్డ అతన్ని ఆసుపత్రికి తరలించారు. గాయాల తీవ్రత ఎక్కువగా వుండడంతో బాధితుడి పరిస్థితి విషమంగా మారింది.