సిరియాకు చెందిన హసన్‌ అల్‌ కొంటార్‌ (38) వంద రోజులుగా మలేసియా ఎయిర్‌పోర్టు టెర్మినల్‌లోనే ఉంటున్నాడు. నిన్న మొన్నటి వరకూ అరబ్‌ ఎమిరేట్స్‌లో బీమా ఏజెంటుగా పనిచేసే హసన్ పుట్టింది సిరియాలో. ఆ దేశంలో చదువు అయిపోయిన తరువాత కొంతకాలం నిర్బంధంగా మిలటరీలో పనిచేయాలి. యుద్ధంలో చేరేందుకు నిరాకరించాడంటూ సిరియా ప్రభుత్వం పాస్‌పోర్టును రద్దు చేసింది. మార్చి 7వ తేదీన మలేసియాలోని కౌలాలంపూర్‌ విమానాశ్రయంలో చిక్కుకుపోయాడు. ఫేస్‌బుక్, ట్విట్టర్‌ల ద్వారా మాత్రమే ప్రపంచాన్ని చూడగలుగుతున్నాడు. మార్స్ గ్రహానికి పంపమని నాసాకు దరఖాస్తు చేసుకున్నాడు.