ఖండాంతరాలు దాటెల్లినా తెలుగు భాషపై మమకారాన్ని, మాధుర్యాన్నీ ఆస్వాదిస్తూనే ఉన్నారు ఎన్నారైలు. పండుగలు, పర్వదినాలే కాకుండా నెలనెలా తెలుగు సాహితీ కమ్మదనాన్ని రుచిచూస్తున్నారు. తాజాగా డాలస్‌లో తెలుగుభాషకు సన్మానం జరిగింది. తెలుగు నృత్యం, తెలుగు రూపకం, కథ, నాటకం పంచిన అనుభూతి అందర్నీ అలరించింది. ఉత్తర అమెరికా తెలుగు సంఘం టాన్‌టెక్స్ ఏర్పాటు చేసిన నెలనెల తెలుగు వెన్నల సాహితీ సదస్సు ఇండియా నుంచి వెళ్లిన సాహితీ వేత్తలతో కన్నుల పండువగా సాగింది.