చైనా, అమెరికా మధ్య ఇప్పటికే వాణిజ్య యుద్ధ ఛాయలు నెలకొన్న విషయం తెలిసిందే. తాజాగా తైవాన్‌ విషయమై చైనా అమెరికాపై మరోసారి ఆగ్రహం వ్యక్తం చేసింది. అమెరికా ఎయిర్‌లైన్లు తమ వెబ్‌సైట్లలో తైవాన్‌ పేరు 'చైనా తైవాన్‌'గా మార్చాలని స్పష్టం చేసింది. లేదంటే మూల్యం చెల్లించాల్సి ఉంటుందని హెచ్చరించింది. దశాబ్దాల క్రితమే తైవాన్‌.. చైనా నుంచి విడిపోయింది. కాగా.. ఈ హెచ్చరికలపై అమెరికా ఎయిర్‌లైన్‌ ఎగ్జిక్యూటివ్‌లు స్పందించారు. ఈ విషయమై వైట్‌హౌస్‌తో చర్చలు జరుపుతున్నట్లు తెలిపారు.