దర్శకుడు రాంగోపాల్‌ వర్మ తన తదుపరి ప్రాజెక్ట్‌ వివరాలను వెల్లడించారు. 'డి-కంపెనీ' పేరుతో క్రైమ్‌ థ్రిల్లర్‌ను వెబ్‌ సిరీస్‌గా తెరకెక్కించబోతున్నారట. ఐదు విభాగాలుగా వెబ్‌ సిరీస్‌ ఉండబోతోందని ప్రకటించారు. దీని కోసం నిర్మాత మధు మంతెనతో కలిసి పనిచేయబోతున్నారు. 'నేను, మధు కలిసి 'డి-కంపెనీ' అనే వెబ్‌ సిరీస్‌ను తెరకెక్కించబోతున్నాం. దావూద్ ఇబ్రహీం 1980ల్లో సృష్టించిన అల్లర్లు, అతను స్థాపించిన 'డి-కంపెనీ' గురించి ఇందులో ప్రస్తావించబోతున్నాం' అని ట్విటర్‌ ద్వారా వెల్లడించారు.