ట్రెండింగ్ దుస్తులలో.. గ్లామర్ కలెక్టర్ గా పేరున్న ఆమ్రపాలి వృత్రిపరంగా కూడా దూకుడుగానే ఉంటారని ప్రభుత్వవర్గాలలో పేరుంది. అయితే తన అధికారిక నివాసంలో దెయ్యం ఉందని.. అందుకే ఇంట్లోని ఒక గదిలో పడుకోలేనని చెప్పడం సంచలనంగా మారింది. ఓ ఛానెల్ కి ఇచ్చిన ఇంటర్వ్యూలో వరంగల్ లోని తన అధికారిక నివాసానికి 133 ఏళ్ల క్రితం శంకుస్థాపన జరగగా, దీనికి నిజాం నవాబు కాలంనాటి జార్జ్ పామర్ అనే ఇంజనీర్ దంపతులు శంకుస్థాపన చేసారని చెప్పారు. ఇంతుకు ముందు ఉన్న కలెక్టర్లు ఎవరు ఈ నివాసంలోని ఒక గదికి వెళ్లలేదని, తాను ఆగది తెరిచి పరిసరాలను చూశానని.. అయితే అందులో పడుకొనే సాహసం మాత్రం చేయనని అందులో దెయ్యం ఉందని చెప్పారు. ఏకంగా ఒక కలెక్టరే తన ఇంట్లో దెయ్యం ఉందని చెప్పడంతో ఇప్పుడు వీడియో తెగ ప్రచారం అవుతుంది.