జకార్తాః: ఆసియా గేమ్స్ పురుషుల హాకీలో టీమిండియా దూసుకెళ్లుతున్నది. నేడు గ్రూప్ ఏలో జరిగిన మ్యాచ్‌లో భారత్ ఘన విజయం సాధించింది. హాంగ్‌కాంగ్‌పై 26-0 గోల్స్ తేడాతో నెగ్గింది. హాంగ్‌కాంగ్ ప్లేయర్లు ఎవరూ గోల్ చేయలేకపోయారు. గ్రూప్ మొదటి మ్యాచ్‌లోనూ ఇండోనేషియాపై 17-0 గోల్స్ తేడాతో నెగ్గిన విషయం విదితం. హాంగ్‌కాంగ్‌పై నలుగురు భారత ప్లేయర్లు హ్యాట్రిక్ గోల్స్ చేశారు. ఆకాశ్‌దీప్, రూపిందర్, లలిత్, హర్మన్‌ప్రీత్‌లు హ్యాట్రిక్ గోల్స్ చేసిన వారిలో ఉన్నారు.