2019 ఎన్నికల్లో కాంగ్రెస్ అధికారంలోకి వస్తే ఏపీకి ప్రత్యేక హోదా ఇచ్చి తీరుతామని అన్నారు రాహుల్ గాంధీ. ఇది ఏపీ ప్రజలకు తాను ఇస్తున్న హామీ అని అన్నారు. ఆంధ్రప్రదేశ్ ప్రత్యేక హోదా ఇస్తామని భారత ప్రభుత్వం వాగ్దానం చేసిందని గుర్తు చేసిన రాహుల్..ఆ వాగ్దానాన్ని తాను అంత తేలిగ్గా తీసుకోబోమని అన్నారు. బెర్లిన్‌లో ఇండియన్ ఓవర్సీస్ కాంగ్రెస్ ఏర్పాటు చేసిన కార్యక్రమంలో రాహుల్ గాంధీ ఏపీకి స్టేటస్ అంశాన్ని ప్రస్తావించారు. బీజేపీ పాలిత రాష్ట్రాలకు దన్నుగా నిలుస్తున్న మోడీ..ఆ పార్టీ అధికారంలో లేని రాష్ట్రాలను మాత్రం బలహీనపరుస్తున్నారని విమర్శించారు.