సూపర్ స్టార్ మహేష్ బాబు హీరోగా వంశీ పైడిపల్లి దర్శకత్వంలో 'మహర్షి' సినిమా రూపొందుతోంది. మహేశ్ బాబు 25వ సినిమాగా ఇది. ఇప్పటికే ఈ సినిమా చాలావరకూ చిత్రీకరణను జరుపుకుంది. కొన్ని రోజులుగా హైదరాబాద్ పరిసర ప్రాంతాల్లో షూటింగ్ చేస్తూ వస్తున్నారు. తదుపరి షెడ్యూల్ ను అమెరికా .. న్యూయార్క్ .. కాలిఫోర్నియా .. లాస్ వెగాస్ లలో ప్లాన్ చేశారు. రేపటి నుంచి షూటింగ్ అక్కడ జరగనుంది. 2 నెలల పాటు ఏకధాటిగా అక్కడ కొన్ని కీలకమైన సన్నివేశాలను, నాయకా నాయికలపై రొమాంటిక్ సాంగ్స్ ను చిత్రీకరించనున్నారు. ప్రస్తుతం అందుకు సంబంధించిన ఏర్పాట్లు జరుగుతున్నాయి. దేవిశ్రీ ప్రసాద్ సంగీతం అందిస్తున్న ఈ మూవీని అశ్వనీదత్, దిల్ రాజు, పి వి పి సంయుక్తంగా నిర్మిస్తున్నారు. ఈ సినిమాను, 'ఉగాది' కానుకగా ఏప్రిల్ 5వ తేదీన విడుదల చేయనున్నారు.