పాలమూరు ముద్దుబిడ్డ ప్రముఖ టెలివిజన్ షో జబర్దస్త్ లో హాస్య నటుడు గాలిపటాల సుధాకర్ కు గౌరవ డాక్టరేట్ లభించింది.ఇప్పటివరకు దేశవ్యాప్తంగా కళారంగంలో సుమారు 5వేల స్టేజీ ప్రదర్శనలు ఇచ్చినందుకు గాను తమిళనాడు రాష్ట్రానికి చెందిన కోయంబత్తూర్ రాయల్ అకాడమి ఆర్ట్స్ యూనివర్సిటీ సుధాకర్ కు గౌరవ డాక్టరేట్ ను ప్రకటిస్తున్నట్లు తెలిపింది.

జబర్దస్త్ టెలివిజన్ షోలో హాస్య నటుడిగా అందరికి సుపరిచితుడైన సుధాకర్ కు ఈ నెల 8వ తారీఖున దుబాయ్ లో నిర్వహించనున్న ఓ కార్యక్రమంలో ఆయనకు డాక్టరేట్ ను ప్రధానం చేయనున్నారని కోయంబత్తూర్ యూనివర్సిటీ ఓ ప్రకటనలో పేర్కొంది.. దీనితో పాలమూరు జిల్లాకు చెందిన పలువురు కళాకారులతో పాటుగా జబర్దస్త్ టీం సహనటులు, అభిమానులు హర్షం వ్యక్తం చేస్తున్నారు.