ఋణ భారం, ఆర్ధిక సంక్షోభం నుండి గట్టెక్కడానికి IL&FS 3వేల కోట్ల నిధుల సమీకరణకు కంపెనీ బోర్డు అనుమతికోరింది. కాగా IL&FS ను గట్టెక్కించడానికి ఆ కంపెనీలో మేజర్ షేర్ హోల్డర్ అయిన LIC దాదాపు 800 కోట్ల నిధులను సమకూర్చనుందని సమాచారం. శనివారం జరిగే సమావేశంలో ఆ దిశగా చర్చలు జరిగే అవకాశం ఉంది.

IL&FS కు LIC నుండి నగదు రూపంలో 700-800 కోట్ల రూపాయిల నిధులు అందవచ్చని బోర్డు వర్గాల పేర్కొన్నాయి. మూడు నెలల్లో రుణ భారాన్ని IL&FS తగ్గించుకోవాలని LIC సూచించింది. IL & FS పై ఉన్న ఆర్థిక ఒత్తిడిని తగ్గించేందుకు బోర్డు కూడా ఇతర మార్గాలను అన్వేషించనుంది.