సూపర్ స్టార్ రజనీకాంత్‌ గత ఏడాది డిసెంబర్‌లో రాజకీయరంగప్రవేశంపై స్పష్టమైన నిర్ణయాన్ని వెల్లడించిన విషయం తెలిసిందే. రజనీకాంత్‌కు జపాన్, సింగపూర్, మలేషియా దేశాల్లోనూ అభిమానులు ఎక్కువగా ఉన్నారు. ఆయా దేశాల్లోనూ తన పార్టీకి నిర్వాహకులను నియమిస్తున్నారు. సింగపూర్‌లో పార్టీ కార్యదర్శి పగ్గాలను రజనీకాంత్‌ నటి సుకన్య రాజాకు అప్పగించారు. ఈమె చిన్నతనం నుంచి రజనీకాంత్‌కు వీరాభిమాని. సుకన్యరాజాకు రజనీకాంత్‌ కాలా చిత్రంలో కోడలిగా నటించే అవకాశాన్ని కల్పించారు.