షార్జా:సెంట్రల్‌ మార్కట్‌, ఇత్తిహాద్‌ పార్క్‌ వైపుకు వెళ్ళే మోటరిస్టులు కాస్తంత జాగ్రత్తగా వుండాలి. ఎందుకంటే, ఈ ప్రాంతంలోని రోడ్లపై రెండు నెలలపాటు సుదీర్ఘమైన డెవలప్‌మెంట్‌ ప్రోగ్రామ్‌ జరుగుతోంది. ఈ కారణంగా ట్రాఫిక్‌ సమస్యలు తలెత్తే అవకాశం వుంది. షార్జా ఆర్‌టిఎ డైరెక్టర్‌ ఆఫ్‌ రోడ్స్‌ ప్రొక్యూర్‌మెంట్‌ అండ్‌ టెండర్స్‌ ఇంజనీర్‌ షేకా అల్‌ జువైన్‌ మాట్లాడుతూ, సెంట్రల్‌ మార్కెట్‌, ఇతిహాద్‌ పార్క్‌ చుట్టూ రోడ్డుసైడ్‌ పేవ్‌మెంట్స్‌పై టైల్స్‌ అలాగే అస్ఫాల్ట్‌ లేయర్స్‌ని మార్చాల్సి వుందని చెప్పారు. 4 మిలియన్‌ దిర్హామ్‌ల విలువైన ఈ ప్రాజెక్ట్‌ పూర్తవడానికి రెండు నెలల సమయం పడుతుంది. ఈ ప్రాజెక్ట్‌లో కింగ్‌ ఫైసల్‌ రోడ్‌ - ఇతిహాద్‌ పార్క్‌ వుంది. ఈ ప్రాంతంలో అన్ని రోడ్లు, స్ట్రీట్స్‌ రీపెయింట్‌ చేయాల్సి వుంది. షార్జా పోలీసులతో కలిసి ఆర్‌టిఎ షార్జా, ప్రత్యామ్నాయ రూట్లను వాహనదారుల కోసం సూచిస్తోంది. వాహనదారులు సహకరించాలని ఈ సందర్భంగా పోలీసులు విజ్ఞప్తి చేశారు.