1 మిలియన్‌ ఒమన్‌ రియాల్స్‌కి పైగా హైపర్‌ మార్కెట్‌ అగ్ని ప్రమాదం కారణంగా సంభవించినట్లు అంచనా వేస్తున్నారు. ఇండియన్‌ స్కూల్‌ ఇన్‌ ములాదాకి ఎదురుగా ఉన్న హైపర్‌ మార్కెట్‌లో సంభవించిన అగ్ని ప్రమాదం తీవ్ర నష్టాన్ని మిగిల్చినట్లుగా అధికారులు చెప్పారు. ఒక మిలియన్‌ ఒమన్‌ రియాల్స్‌కి పైగా నష్టం అనేది కేవలం అంచనా మాత్రమేనని, అధికారికంగా ఎంత నష్టం జరిగిందీ వెల్లడి కావాల్సి ఉందని అధికారులు వివరించారు. 80 మంది ఫైర్‌ ఫైటర్స్‌, 20 ఫైరింజన్స్‌, పెద్ద సంఖ్యలో వాటర్‌ ట్యాంకర్లను వినియోగించి అధికారులు హైపర్‌ మార్కెట్‌లో ఎగసిపడ్డ మంటల్ని అదుపులోకి తీసుకొచ్చారు. ఎలక్ట్రానిక్‌ సర్క్యూట్స్‌ ఓవర్‌ లోడ్‌కి తట్టుకోలేకపోవడం, అలాగే లూజ్‌ వైరింగ్‌ వంటివి ప్రమాదానికి కారణాలుగా తెలియవస్తోంది.